د افغان حاجیانو لومړنی پرواز نن دکابل نړیوال هوايي ډګر ته را ورسېد
چهارشنبه ۱۵ ذوالحجة الحرام ۱۴۴۶ هـ ق مطابق ۲۱ جوزا ۱۴۰۴ هـ ش
دحج مناسکو تر اداء کولو وروسته دافغان حاجیانو لومړنی پرواز نن له سعودي عربستان څخه کابل نړیوال هوايي ډګر ته راورسېد په دغه پرواز کې دکابل اولغمان ولایتونو(۳۴۶)تنه حاجیان شامل وو،چې دافغانستان اسلامي امارت دارشاد،حج او اوقافو وزارت مرستیالانو شیخالحدیث مولوي زرمحمد حقاني،شیخ مولوي عزیزالرحمن منصور،د اسلامي امارت یوشمېرلوړپوړو چارواکو،امنیتي مسؤولینو،دکابل نړیوال هوايي ډګر،دآریانا افغان اوکام ایرهوايي شرکتونو استازو او دوزارت یوشمېر مسؤلینو له لوري يې دګلانو په ورکوولو سره تودهرکلی وشو،سږ کال دارشاد،حج او اوقافو وزارت او اړوندو ادارو په همکارۍ له ټول هېواد څخه پوره (۳۰,۰۰۰)دیرش زره حاجیان پرته له کومې ستونزې دآریانا افغان او کام ایر هوايي شرکتونو له لارې د(۹۷)پروازونو په ترڅ کې حرمینو شریفینو ته لېږدول شوي وو، چې نن یې الحمدلله د لومړي پرواز د بېرته راستنیدو شاهدان یوو. د یادونې وړ ده چې د حاجیانو د بېرته راستنولو لړۍ نن له کابل پیل شوه او د پروازونو دا بهیر به په راتلونکو ورځو کې د هېواد نورو پروازي زونونو ته هم وغځېږي.
