د ارشاد،حج او اوقافو وزیرد سعودي عربستان شاهي هېواد له سفیر سره وکتل.
نن له غرمې مخکې د ارشاد حج او اوقافو وزیر مولوي عبدالحکیم منیب په کابل کې د سعودي عربستان له سفیر جاسم محمد الخالدي سره په خپل کاري دفتر کې ولیدل.
په دغه ناسته کې دواړو لوریو د روان کال د حج پروسې د نه ترسره کېدو، د حج له مراسمو وروسته د عمرې حج اړوندو مسایلو او همدارنګه د افغان علماو د روزنې لپاره د سعودي شاهي هېواد ته د دوی سفر باندې بحث وکړ.
د ناستې په پای د سعودي شاهي هېواد سفیر ښاغلي الخالدي د ښاغلي منیب د ورور مرحوم محمد انور د مړینې له کبله نوموړي ته د تسلیت مراتب وړاندې هم کړل.
