د جوماتونو د ارشادی چارو او انسجام عمومی ریس د کابل شار د ۲۲ ناحیو د خطباو شورا له رئیسانو سره وکتل.
د جوماتونو د ارشادي چارو او انسجام عمومي رئیس د کابل ښار د ۲۲ ناحیو د خطباٶ شورا له رئیسانو سره وکتل. چهارشنبه ٢٧ ربيع الاول ـ١٤٤٣ / ١٢ـ لړم ـ١٤٠٠. نن د جوماتونو د ارشادي چارو او انسجام عمومي رئیس مولوي محمد حامد "حسیب" د کابل ښار د ۲۲ ناحیو د خطباٶ شورا له رئیسانو او مخورو دیني عالمانو سره د دیني زده کړو د پراختیا، په جوماتونو کې د درسي حلقو د ودې او د منبر له لارې ولسونه د یووالي، ورورلۍ او همدردۍ لور ته د رابللو په موخه دياد رياست په انګړ کي ولیدل. ياده ليدنه دقرآن عظيم الشان دڅو مبارکو آيتونو په تلاوت سره پيل شول. په پیل کې ښاغلي مولوي محمد حامد "حسیب" د افغان مجاهدينو بريا او له اشغال څخه د هېواد د خلاصون مبارکي وړاندې کړه او خوښي یې څرګنده کړه، چې اوس د اسلامي نظام د حاکميت لپاره ښه زمينه مساعده شوې او د اسلامي نظام پلي کول او د شريعت نافذول د علماء کرامو کار دى، ځکه علماء د پيغمبرانو وارثين دي. ښاغلي حسیب وویل: علماء کرام تر بل هر وخت ډېر بايد خپل مسٶليت ته متوجه شي، ځکه چې اوس ددوي امنیت تر بل هر وخت ډاډمن دی. نوموړي له علماوو څخه غوښتنه وکړه، ترڅو د ناحيو له مدير صاحبانو سره په همږغي د ټولو جوماتونو امامانو او خطیبانو ته د جمعې ورځې خطبې موضوع ورسول شي. ورپسې د جوماتونو د ارشادي چارو او انسجام آمر مولوي اسرارالحق "عرب" د خطباٶ شورا په ارزښت او د دوي د فعالیتونو په اړه خبرې وکړې. ښاغلي عرب وویل: د خطباٶ شورا د ١٣٨٥ کال راپدېخوا فعالیت کوي، چې دا فعالیتونه باید لا ډېر ګړندي شي. د ناستې په پای کې راغلو علماوو هم خپل نظریات وړاندې کړل او د اسلامي امارت له کارونو او پلانونو یې خپل کلک ملاتړ څرګند کړ او په دې برخه کې یې د هر ډول همکارۍ ژمنه وکړه. ناسته په هيواد کي دپرمختګ او سوکالي په دعاء پاي ته ورسيدل.
