د ارشاد، حج او اوقافو وزارت مرستیال د ګډوالو او بېرته راستنېدونکو چارو وزارت معین سره وکتل
۲۱ شوال ۱۴۴۴ هـ ق (۲۱ ثور ۱۴۰۲ هـ ش)
د افغانستان اسلامي امارت د ارشاد، حج او اوقافو وزارت مالي او اداري معین مولوي عارف الله عارف او ددې وزارت د رهبرۍ یو شمېر غړو په ګډون د ګډوالو او بېرته راستنېدونکو چارو وزارت مرستیال مولوي عبدالرحمن راشد سره په خپل کاری دفتر کې وکتل.
په دې کتنه کې ددې وزارت مرستیال ښاغلي عارف د ګډوالو چارو معین نوموړي راشد ته د ښه راغلاست ویلو ترڅنګ وویل: الحمدلله سږ کال دویم کال دی چې د افغانستان د اسلامي امارت د ارشاد، حج او اوقافو وزارت د حج بهیر په شفافه او عادلانه توګه تنظیم او اداره کوي. ورپسې د مهاجرینو او بېرته راستنېدونکو چارو وزارت معین مولوي عبدالرحمن راشد د ګډوالو حاجیانو د انتقال، د دوی لپاره د ویزو، سفر، قرعه کشی او نورو اسانتیاوو په تړاو خبرې وکړې.
