د تسلیت پیغام

د اسلامي نړۍ د ستر علمي شخصیت مفسر، محدث علامه الشيخ محمد علي بن جميل الصابوني الحلبي د وفات په تړاو د ارشاد، حج او اوقافو وزارت د تسلیت پیغام :

قال الله تعالى: "كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ"

صدق الله العظيم .

په ډېرې خواشینۍ سره مو خبر ترلاسه کړ، چې د اسلامي نړۍ ستر علمي شخصیت، جید عالم، مفسر، محدث او د مکې مکرمې د پوهنتون مخکښ استاد علامه الشيخ محمد علي بنُ جميلٍ الصابونيُّ الحلبي د ٩٠ کلونو په عمر له دې فاني نړۍ سترګې پټې کړې.

اِنَّالِلَه وَاِنَّااِلَيْهِ رَاجِعُوْنَ

نوموړي د اسلام مبارک دین ستر داعي، د قرآن کریم مفسر، محدث او د مکې مکرمې پوهنتون مخکښ استاد و، چې شاوخوا 50 کتابونه یې تألیف او لیکلي دي او تر ټولو مهم او مشهور کتاب یې (صفوة التفاسير) دی.

د ارشاد، حج او اوقافو وزارت د نوموړي مړینه د اسلامي نړۍ لپاره ستره ضایعه بولي او خپل د تسلیت مراتب دمرحوم کورنې د سوريې ولس، عربي او اسلامي نړۍ امت ته وړاندې کوي

أسأل الله أن يغفر له ويرحمه، ويجزيه عن الإسلام ودعوته وأمته خير ما يجزي الدعاة الصادقين، والعلماء العاملين.

                                                                                                                                                   محمد قاسم حلیمي

                                                                                                                                           د ارشاد، حج او اوقافو وزیر