په کابل کې د جوماتونو امامانو خالي بستونو لپاره د ازادي سیالۍ له لارې ازموینه واخیستل شوه.
شنبه۵ ربیعالأول۱۴۴۴ ه ق (٩ میزان ۱۴۰۱ ه ش)
د ارشاد، حج او اوقافو وزارت د کابل ښار د جوماتونو امامانو د خالي بستونو لپاره د ازادي سیالۍ له لاري ازموینه پیل کړه او نن له غرمې مخکې یادو بستونو ته نوماندانو او دیني علماوو هم په کې شامل وو، چې په دې ازموینه کې ګډون وکړ
دغه ازموينه ديوه ځانګړي کمېسيون ترڅارنې لاندې جوړه شوې ده، چې غړي يې دمرکزي ریاستونو رئیسان او مشرۍ یې دارشاد، حج اواوقافو وزارت مالي او اداري مرستيال په غاړه لری
غونډه د قران عظیم الشان د څو مبارکو آیتونو په تلاوت سره پیل شوه. ورپسې د ارشاد، حج او اوقافو وزارت مالي او اداري مرستیال او د ازموینې د کمیسیون سرپرست مولوي عارف الله عارف، د عملي مجمع رئیس مفتي نعمان ثاقب او د ارشاد او جوماتونو چارو د انسجام رئیس مفتي عبدالحمید شهید د ازموينې بهير دڅارنې پرمهال دازموينې دبهير په اړه معلومات وړاندې کړل او ګډونوالو ته يې په دغه پروسه کې دشفافيت ډاډ ورکړ
په دې ازموينه کې له(۲۵۰) تنو څخه زياتوعلماء کرامو برخه اخيستې وه او هغه علماء کرام چې په دې ازموينه کې بريالي شي د کابل ښار د امامت په خالي بستونو کې به په دندو وګمارل شي.
