افغان حاجیانو دحج مناسک په ښه او منظمه توګه ترسره کړل

bakhshi_admin
دوشنبه ۱۴۰۴/۳/۱۹ - ۲۱:۳
ختم مراسم

مکه مکرمه – ۱۳ ذوالحجة ۱۴۴۶هـ ق مطابق ۲۰ جوزا ۱۴۰۴ هـ ش

دافغانستان پوره (۳۰)زره حاجیانو دافغانستان اسلامي امارت دارشاد،حج او اوقافو وزارت دمدیریت او نظارت لاندې دسږني حج مناسک په ډیره منظمه او بریالۍ توګه پای ته ورسول.

د ذوالحجې میاشتې په اتمه حاجیان د حج د مناسکو پیل لپاره له مکې مکرمې څخه مِنیٰ ته انتقال شول، چې د ارشاد، حج او اوقافو وزارت له لوري ورته ټولې اړینې اسانتیاوې برابرې شوې وې.

په مِنیٰ کې د شپې له تیرولو وروسته د ذوالحجې په نهمه چې د حج تر ټولو مهمه ورځ بلل کېږي د خپلو معلمینو په ملتیا عرفات ته ورسیدل دورځې تر پایه یې هلته وقوف،دعاء، تلاوت،استغفار او نوافل ترسره کړل.

دارشاد، حج او اوقافو وزیر شیخ الحدیث سرمحقق دکتور نورمحمد ثاقب د عرفات په میدان کې د افغان حاجیانو سره له نږدې وکتل، دهغوی خیمو ته ورغی او د برابر شویو سهولتونو او اسانتیاوو څخه یې له نږدې لیدنه وکړه او هغوی ته یې هر اړخیزه مفصله وینا واوروله، همداشان په دغو خیمو کې د افغان حاجیانو معلمینو لخوا حاجیانو ته د عرفې ورځې د فضیلتونو په اړه ځانګړې ویناوې وشوې، تر لمرلوېدو وروسته حاجیان د وزارت له لوري مزدلفې ته انتقال شول هلته یې د ماښام اوماخوستن لمونځونه یو ځای اداء او د شپې په تیرولو سره عبادتونه وکړل، د سهار لمانځه وروسته یې وقوف تر سره او د جمراتو لپاره یې کاڼي راټول کړل.

د ذوالحجې په لسمه چې د قربانۍ او د جمره عقبې د ویشتلو ورځ ده افغان حاجیان د مزدلفې څخه د خپلو معلمینو په ملتیا جمراتو ته ورسیدل، هلته یې شیطان اووه ډبرې وویشته، په همدې تر تیب په پاتې ورځو کې هم د جمراتو ویشتلو دوام وکړ، چې د حج دغه مناسک د افغانستان اسلامي امارت د ارشاد، حج او اوقافو وزارت د ښو ترتیباتو او هراړ خیزو خدماتو تر سیوري لاندې ترسره شول.

الحمدلله د مشاعرو د ورځو په جریان کې کومه لویه ستونزه رامنځته نه شوه او دغه مبارکې ورځې په ډېر منظم او نورمال ډول مدیریت شوې او حاجیان له مِنیٰ څخه خپلو عمارو (هستوګنځایونو) ته راستانه شول.

 

تازه خبرونه

پنجشنبه ۱۴۰۵/۸/۲۱ - ۱۰:۲۹
Background image

د ارشاد، حج او اوقافو وزارت لخوا د هېواد په مرکز او ټولو ولایاتو کې د روان (۱۴۴۸هـ ق) کال د حجاج کرامو د انتخاب په موخه د قرعه اچونې بهیر ترسره شو

چهارشنبه، ۳۰/ جمادیٰ الأولیٰ/ ۱۴۴۸هـ ق، مطابق: ۲۰/ عقرب/۱۴۰۵هـ ش

د ارشاد، حج او اوقافو وزارت لخوا د ۱۴۴۸هـ ق، مطابق ۱۴۰۶هـ ش کال د حج فریضې د اداء کولو په موخه، د نوو ثبت نام شوو. . .

سه‌شنبه ۱۴۰۵/۸/۱۹ - ۹:۴۶
Background image

د ارشاد، حج او اوقافو وزارت لخوا د سعودي عربستان له «مناسک المشاعر» شرکت سره د روان کال حجاج کرامو ته د خدماتو وړاندې کولو قرارداد لاسلیک شو

سه شنبه، ۲۹/ جمادى الأولى/۱۴۴۸هـ ق، مطابق: ۱۸/ عقرب/ ۱۴۰۵ هـ ش

د ارشاد، حج او اوقافو وزارت لخوا د ۱۴۴۸ هـ ق کال د دېرش (۳۰) زره حجاج کرامو لپاره په مکه مکرمه، مدینه منوره او مقدسو. . .

یکشنبه ۱۴۰۵/۷/۲۶ - ۱۳:۱۸
Background image

د ارشاد، حج او اوقافو وزارت مسلکي معین د یوه هیئت په مشرۍ په مزار شریف ښار کې د بلخ اوقافي سوداګریز مارکېټ له ودانیزو چارو څخه لیدنه وکړه

جمعه، ۴/ جمادی الأولی/ ۱۴۴۸هـ ق، مطابق: ۲۴/ میزان/ ۱۴۰۵هـ ش

د ارشاد، حج او اوقافو وزارت مسلکي معین ښاغلي مولوي حافظ محمد حامد حسیب د یوه هیئت په مشرۍ په مزار شریف ښار کې د بلخ اوقافي. . .

BACK TO NEWS