د راتلونکي کال د حج د فریضې لپاره د چمتووالي او ترتیباتو نیولو خبرتیا
محترمو هېوادوالو او د راتلونکي کال د حج فریضې درنو متقاضیانو!
د ارشاد، حج او اوقافو وزارت د سعودي عربستان د حج او عمرې وزارت له لوري د سپارل شوې رسمي وثیقې او ټاکل شوي مهالویش له مخې د راتلونکي ۱۴۴۸هـ ق، مطابق: ۱۴۰۶هـ ش کال د حج مبارکې فریضې لپاره د اداري، تخنیکي او خدماتي چمتووالي او ترتیباتو نیولو د پیل اعلان کوي.
وزارت د راتلونکي کال د حج فریضې د اداء کولو لپاره د لازمو اقداماتو، همغږیو او اجراءاتو ترسره کولو بهیر سر له اوسه پیل کړی دی؛ تر څو د حج پروسه د نافذه اصولو، کړنلارو او ټاکل شوو مهالویشونو له مخې په منظم، معیاري او اغېزمن ډول ترسره شي.
د حج پروسې د هر پړاو په هکله د نیول کېدونکو تصامیمو، ترسره کېدونکو اقداماتو او اړوندو مهالویشونو په تړاو به اړین معلومات د رسمي اعلامیو له لارې په خپل وخت له تاسو سره شریک شي.
