د اسلامي نړۍ د علماوو مشورتي کنفرانس چې درې ورځې وړاندې په استانبول ښار کې پیل شوی و، پای ته ورسېده
سه شنبه ۶ ذوالقعدة الحرام ۱۴۴۵ هـ ق (۲۵ ثور۱۴۰۳ هـ ش)
د اسلامي نړۍ د علماوو مشورتي کنفرانس چې د ترکیې د استانبول ښار د ولسمشرۍ ماڼۍ "دولمابهجة" کې د ترکیې د ولسمشر رجب طیب اردوغان په مشرۍ پرانیستل شوې وه، پای ته ورسېده.
په دې کنفرانس کې د اسلامي هېوادونو وزیرانو، استازو او د اسلامي نړۍ علماء کرامو د اسلامي امت او بشريت پر وړاندې د شته ننگونو او خطرونو څخه د وتلو پر لارو چارو خبرې وکړې او همدا شان په اوسنيو حالاتو کې د اسلامي امت د يووالي او په مشترکو مسايلو کې د یو ګډ درېځ غوره کولو ترڅنګ دېته ورته نورو مهمو موضوعاتو باندې هراړخیزې خبرې وشوې.
غونډه په درې مخیز پریکړه لیک سره پای ته ورسېده.
