د ارشاد حج او اوقافو د پلان او پالیسی معین شاغلی محمد عثمان طارق او د اترا د مخابراتی خدمتونو د تنظیم اداری رئیس محمد عمر منصور لیدنه
د مخابراتي خدمتونو د تنظیم ادارې (اترا) رئیس عمر منصور انصاري د ارشاد، حج او اوقاف وزارت د پلان او پالیسۍ له معین محمد عثمان طارق سره د بریښنايي حکومتولۍ په برخه کې د پروژو د تطبیق او ارزیابۍ په اړه لیدنه وکړه.
په دې لیدنه کې یاد وزارت لپاره د کتابتون د کمپیوټر لیب، د وزارت اړوند ریاستونو د عمومي نیټورک، د قرات د عالي معهد د کمپیوټر لیب او نیټورک، تدریب ایمه انسټیټوټ د کمپیوټر لیب لپاره چې د جوړولو کار یې روان دی، څارونکی هیئت تعین شو تر څو د پروژو د تطبیق بشپړ جزیات بېرته د اترا ادارې رهبرۍ ته وسپاري.
اترا ادارې په روان مالي کال کې د حج و اوقاف وزارت اړوند دریو ولایتي ریاستونو ته د ډیجیټالي کتابتون او د ولایتونو تر منځ د ویډیويي کنفرانس سیسټمونو پروژې هم له خپل مالي صندوق څخه تطبیق کړې دي چې په اړه یې د یاد وزارت د پلان او پالیسۍ معین له اترا ادارې څخه مننه وکړه.
نوموړي غوښتنه وکړه چې د اترا ادارې رهبري دې د پاتې پروژو بودیجه راتلونکي ۱۴۰۰ کال ته ولېږدوي او له یاد وزارت ته دې د بریښنايي حکومتولۍ او تجهیزاتو برابرولو په برخه کې د همکارۍ لاس تر ډېره ورکړي.
د اترا ادارې په ۱۳۹۹ کال کې د حج و اوقاف وزارت لپاره له خپل مالي صندوق څخه د آی ټي تجهیزاتو او د بریښنايي حکومتولۍ د ودې په برخه کې د ۹۵ میلیونه افغانیو پروژې جلا کړې وې، چې ګڼې یې تطبیق او پاتې به یې د اترا ادارې د عالي شورا لخوا د منظورۍ ورکولو په صورت کې راتلونکي کال ته د پلي کېدو وړ وګرځي.
