د ارشاد، حج او اوقافو وزارت او د سعودي عربستان د حج او عمرې وزارت د پلاوي ترمنځ د (۱۴۴۴ هـ ق) کال د حج مقدماتي ترتیباتو هوکړه لیک لاسلیک شو.
۱۵ جمادی الثانی ۱۴۴۴ هـ ق (۱۸، جدی ۱۴۰۱ هـ ش)
د ارشاد، حج او اوقافو وزارت مالي او اداري عمومي رئیس محترم مولوي عبدالولي حقاني د سعودي عربستان د حج او عمرې وزارت په رسمي بلنه تېره ورځ د (۲۰۲۳) میلادي کال د فرضي حج خدمتونو په کنفرانس او نندارتون کې د ګډون په موخه یاد هېواد ته روان شو.
ښاغلی مولوی عبد الولی حقاني نن په جده کې د حج او عمرې وزارت له مرستیال ښاغلی دکتور عبدالفتاح مشاط سره د حج خدمتونو کنفرانس او نندارتون په مرکزي دفتر کې وکتل او د حج په اړوندو مسائلو يې خبرې وکړې او د دې تر څنګ د دواړو وزارتونو ترمنځ د ۱۴۴۴ هجري قمري کال د حج لومړنيو ترتیباتو هوکړه ليک هم لاسليک کړو.
