په نظامي مرکزونو کې د قرآن کریم د ترجمې او تفسیر د دورو د پیل لپاره د چمتوالي غونډه ترسره شوه
۲۵ رجبالمرجب ۱۴۴۴ هـ ق (۲۷ دلو ۱۴۰۱هـ ش)
د ۱۴۴۴ هجري قمري کال د شعبان او رمضان په میاشتو کې د قرآن کریم د ترجمو او تفسیر د دورو په اړه نن له غرمې مخکې د ارشاد، حج او اوقافو وزیر شیخ الحدیث دکتور مولوي نور محمد ثاقب تر مشرۍ لاندې، ددې وزارت د مرستیالانو، د مرکزي ریاستونو رئیسانو، د حج چارو د انسجام کمېټې مسؤلینو په ګډون غونډه جوړه شوه.
د ارشاد، حج او اوقافو وزير د يادو درسونو د پيل لپاره د ځايونو د ټاکلو د څرنګوالي په اړه د راپور د اورېدو پر مهال غونډه په خپله لارښوونکي وینا سره پرانيستله، نوموړي وویل چې په ټول هیواد کې په دوه سوه دوه (۲۰۲) نظامي مرکزونو کې د قرآن عظیم الشان د ترجمې او تفسیر لړۍ چې د شعبان المعظم د میاشتې له لومړۍ نیټې څخه پیل او د روان هجري قمري کال د درمضان المبارک میاشتې په ۲۵ مه نیټې پای ته رسيږي، د اسلامي امارت د مجاهدینو او نظامي منسوبینو لپاره مهمه او اړینه وبلله او ټینګار یې وکړ چې د هغو شیوخواو علماوو نوملړ چې د دغو درسونو دمخته وړلو لپاره په پام کې نیول شوي دی، ژر تر ژره دې بشپړ شي.
همدا رنګه ملي راډیو او تلویزیون ته د شیوخو د معرفي کولو په اړه هم بحث ترسره شو او لازم تصمیمونه ونیول شول.
همدا راز په نظامي مرکزونو برسیره ټاکل شوي ده چې دشعبان المعظم له لومړۍ نېټې څخه د او د رمضان المبارک تر ۲۵ مې نېټې پورې په پښتو او دري ژبو د شیوخو او علماوو لخوا د قرآن کریم د ترجمې او تفسیر دوره په ژوندۍ بڼه د ملي راډیو او تلویزیون له لارې نشر شي.
