د افغانستان او سعودی عربستان ترمنځ د ۱۴۴۶ هـ ق کال د حاجیانو لپاره د خدمتونو او آسانتیاوو برابرولوتړون لاسلیک شو
۱۲رجب المرجب ۱۴۴۶هـ ق مطابق ۲۴جدې ۱۴۰۳هـ ش
د افغانستان اسلامي امارت د ارشاد، حج او اوقافو وزارت د حج ، عمرې او زیارتونو عمومي رئیس مولوي محمد نبي محمدي په مشرۍ با صلاحیته استازي د ۱۴۴۶هـ ق کال د حاجیانو لپاره د غوره خدماتو او اسانتیاوو برابرول په موخه د سعودي عربستان د حج او عمرې وزارت له مرستیال دکتور عبدالفتاح مشاط سره تړون لاسلیک کړ.
په دې تړون کې د افغانستان د(۳۰) زره حاجیانو لپاره د سعودي عربستان د حکومت له تعلیمات نامې سره سم د مکې مکرمې او مدیني منورې په ښارونو کې د حاجیانو لپاره دعمارو، مشاعرو، تغدیې او ټرانسپورټ ټول اړین او ضروري خدمات شامل دي چې د سعوي عربستان د حج او عمرې وزارت سره په همغږۍ ترسره کیږي.
