د ارشاد، حج او اوقافو وزارت د ارشاد او دعوت ریاست ته نوي رئیس او ددې وزارت دري آمریتونو ته نوي آمرین معرفي کړل.
۱۴ شوال ۱۴۴۴ هـ ق (۱۴ ثور ۱۴۰۲ هـ ش) د ارشاد، حج او اوقافو وزارت د حکم پر اساس محترم مولوي سید الرحمن بغلاني د ارشاد او دعوت رئیس، محترم مولوي محمدالله د نظارت او ارزیابي آمر، محترم مولوي امیر الله د حج ریاست د علمیاتي آمر او محترم مولوي امان الدین د عمرې او زیارت ریاست د علمیاتي آمر په توګه معرفې او په کار یې پیل وکړ. د یادو وکړو د معرفۍ په ترڅ کې د ارشاد، حج او اوقافو وزارت د دفتر مقام رئیس مولوي عبدالصبور فاروق د دوی فرمانونه ولوستل او د ورسپارل شویو دندو مبارکي وویله او په یادو دندو کې یې ورته د بریالیتوب هیله وکړه. په ورته وخت کې د ارشاد او دعوت رئیس او نویو ګمارل شویو آمرینو د ارشاد، حج او اوقافو وزارت د رهبرۍ له باور څخه د مننې په ترڅ کې وویل، چې دغه څوکۍ یو امتیاز نه، بلکې یو مسؤلیت دی. د خدای ﷻ په فضل او د دې وزارت د ټولو مسؤلینو په همکارۍ، د خدمت په لاره کې هېڅ راز هلې ځلې او همکاري ونه سپموي.
