د کارونو د ښه مدیریت لپاره د ارشاد، حج او اوقافو وزارت د حج کاري کمېټو له مسؤولینو سره غونډه
۲۵ ذوالحجة ۱۴۴۴ هـ ق (۲۲ سرطان ۱۴۰۲ هـ ش) د نورو غونډو په دوام نن د غرمې مخکې د ارشاد، حج او اوقافو وزارت مالي او اداري معین مولوي عارف الله عاف او د رهبرۍ یو شمیر غړو په ګډون، د مرکزي زون د حاجیانو په مجتمع کې د حج کاري کمېټو له مسؤولینو سره د کارونو د ښه مدیریت او په ټاکلي وخت د ترسره کولو په تړاو غونډه جوړه کړه. ښاغلي عارف د هرې کمېټې له مسؤولینو سره د کار په دوام، هېواد ته د راستانه شویو افغان حاجیانو هرکلی، د هوایی ډګر څخه د حجاجو انتقال مجتمع ته، د مهاجرینو حاجیانو انتقال بیرته ګاونډیو هېوادونو ته او د ګډوالو افغان حاجیانو ته په مجتمع کې د هستوګنې، تغذیې او نورو اسانتیاوو برابرولو پر موضوعاتو هر اړخیزي خبرې اترې وکړې او هر یو ته یې د خپلو دندو په اړه او د چارو د لا ښه والي او حاجیانو ته د غوره خدمتونو وړاندې کولو په تړاو لازمې سپارښتنې وکړې.
