د ارشاد حج او اوقافو وزارت خبرتیا
د ارشاد، حج او اوقافو وزارت د عالي قرائتو معهد، چې د هېواد په کچه د سبعه عشره قرائتو د تخصص ترلاسه کولو لومړنی رسمي مرجع ده، هغه کسان چې د دولسم ټولګي (د دیني مدرسو او رسمي دارالحفاظونو) څخه فارغ او په لاندې شرایطو برابر وي، کولی شي چې د ۱۴۰۴ هــ ش تعلیمي کال د اوومې دورې لپاره په ځانګړې ازموینې کې ګډون وکړي.
د ګډون (منلو) شرایط:
۱. غوښتونکی باید په بشپړه توګه د قرآنکریم حافظ او د حفظ رسمي سند ولري.
۲. غوښتونکی باید د دولسم ټولګي (د دیني مدرسو یا رسمي دارالحفاظونو) د فراغت سند ولري.
۳. د غوښتونکي عمر باید له (۳۰) کلونو څخه زیات نه وي.
۴. غوښتونکی باید د نوم ثبتولو پر مهال له ځانه سره اصلي او کاپي تذکره او ۶ قطعې ۳×۴ رنګه عکسونه ولري.
د عالي قرائتو معهد ځانګړتیاوې:
• پرته له کوم لګښت څخه په بشپړه توګه وړیا نیمه عالي زده کړې.
• د پوهنې محترم وزارت لخوا تأیید شوی درسي نصاب.
• د قرائتو د تمرین او تدریس لپاره د پروجکتور او غږیز سیستم درلودل.
• د عربي، انګلیسي ژبو او د کمپیوټر د عملي زده کړو لپاره معیاري کمپیوټر لب درلودل.
• د تجربه لرونکو استادانو لخوا تدریس او د یو مناسب اکاډمیک چاپېریال درلودل.
• د پوهنې محترم وزارت لخوا د څوارلسم ټولګي د تأیید شوی فراغت سند ویشل.
• د ځانګړې ازموینې له بریا وروسته، د شرعیاتو پوهنځۍ دریم صنف ته شاملیدل .
• پته: د هوايي ډګر څلورلارې، د عالي قرائتو معهد.
• نوټ: د دې کال تر حوت میاشتې پورې د نوم لیکنې بهیر دوام لری.د اړیکو شمېرې: 0744431177 ـــ 0794645089
