له سعودي عربستان څخه هېواد ته د حاجیانو د بېرته راستنېدو لرۍ دوام
۲۵ ذوالحجة ۱۴۴۴ هـ ق (۲۲ سرطان ۱۴۰۲ هـ ش) سږکال افغان حاجیانو په ډېره ارامه فضاء کې د حج مناسک په ښه توګه ترسره کړل او نن سهار اته بجې په دوولسم پرواز کې، چې د میدان وردګو او لغمان ولایتونو شاوخوا (۳۴۶ ) تنه حاجیان وه، کابل ته را ورسېدل. هغه افغان حاجیان چې لومړی سعودي ته رسېدلي وو او له حج اداء کولو څخه مخکې مدینې منورې کې د اتوو شپو او ورځو تیرولو، په نبوي جومات کې د څلویښتو لمونځونو اداء کولو او سپېڅلو زیارتونو کولو وروسته، هغوی به په لومړیو الوتنو کې، چې د کام ایر هوایي شرکت له لوري سعودي عربستان ته د افغان حاجیانو لېږد او راستنېدو مسؤولیت په غاړه لري هېواد ته را انتقال کړي او کوم حاجیان چې مدینې منورې ته نه دي تللي، مدینې منورې ته به د تلو ورسته هېواد ته را ستانه شي.
