په کابل ولایت کې د قرآن کریم تفسیر او ترجمې د پیل غونډه کې ارشاد، حج او اوقافو وزارت مرستیال ګډون.
۱۴ شعبان المعظم ۱۴۴۴ هـ ق (۱۶ حوت ۱۴۰۱ هـ ش)
نن د کابل ولایت په مرکز د نظر خېلو په جامع جومات کې د ارشاد، حج او اوقافو وزارت د عرفان او مذهبي ځایونو د چارو تنظیم معین شیخ عزیز الرحمن منصور د قرآن کریم تفسیر او ترجمې د پیل غونډه کې د قرآن کریم په فضیلت او اهمیت هر اړخیزې خبرې وکړې.
نوموړي زیاته کړه، چې قرآن عظیم الشان سره اړیکه ساتل ددې په معنا دي چې د ټولی نړۍ خلک وغواړي تاسو ذلیله او سپک کړې نو تاسو نشي ذلیله کولی دا د قرآن کریم برکت دي.
ښاغلي منصور وویل، چې په نړۍ کې کوم علمونه دی هغه ټول په قرآن کریم کې شتون لری او موږ او تاسو باید کوښښ وکړو، چې په قرآن کریم باندې عمل وکړو او د قرآن عظیم الشان سره علاقه درلودل انسان ته عزت او عظمت ورپه برخه کوي.
همدا راز دوی د خپلو خبرو په پای کې وویل، چې اسلامي امارت د قرآن کریم د احکامو د حاکمیت او په هیواد کې د دې کلمې د اصولو د حاکمیت او د دې اسلامي نظام د ساتنې لپاره نه يوازې د اسلامي امارت مسؤلين او غړي مسؤليت لري، بلکې عام ولس هم بايد د دغه اسلامي نظام د ټينګښت او ساتنې لپاره خپل مسؤليت اداء کړﺉ.
