د ارشاد حج او اوقافو سرپرست وزیر د لوې څارنوالۍ ښځو پر وړاندې د تاوترېخوالي څخه د مخنیوي ریسې سره ولیدل.
یکشنبې، د تلې ۱۳نېټه
د ارشاد حج او اوقافو سر پرست وزیر محمد قاسم حلیمي د لوې څارنوالۍ د ښځو پر وړاندې د تاوترېخوالي څخه د منخیوي رئیسې آغلې مېرمن پروین رحیمي سره تعارفي لېدنه وکړه.
په دغه لېدنه کې چې د وزارت یوشمېر رهبرۍ غړو او د لوې څارنوالۍ یو شمېر څارنوالانو هم حضور درلود دواړه لورېو ژمنه وکړه چې د ښځو پر وړاندې د تاو ترېخوالي سره د مبارزې په برخه کې به له یو بل سره مرسته کوي.
مېرمن رحیمي د وزارت له دیني عالمانو څخه د مننې تر څنګ چې د ښځو پر وړاندې د تاویرېخوالي مخنیولي په برخه کې خلکو ته عامه پوهاوی ورکړی دی د لا ډېرې همکارۍ غوښتونکې شوه.
ورپسې د ارشاد حج او اوقافو سرپرست وزیر یادونه وکړه چې د ښځو پر وړاندې د تاوترېخوالي څخه مخنیوي په برخه کې د دیني عالمانو ونډه او مسؤلیت تر بل هر چا ډېر دی. دیني عالمان باید د معقول او رښتني تفسیر په وړاندې کولو سره د دینې زده کړو څخه د ښځو په برخه کې د خلکو ناسم برداشت څخه مخنیوی وکړي.
ښاغلي حلیمي څرګنده کړه چې وزارت د ښځو د حقونو په اړه د عامه پوهاوي په برخه کې په پرلپسې ډول دیني عالمانو ته لارښونه کړې ده چې هغوی هم په ټولو غونډو او راټولېدنو کې خلکو ته د شریعت په رڼا کې د ښځو حقونو په اړه معلومات ورکړي او ګټور وعظونه یې کړي دي.
