د میلاد النبي صلی الله علیه وسلم د اونۍ لمانځل او د هغې درناوی
د هېواد ولسمشر د لارښوونې په اساس او د ارشاد، حج او اوقافو وزارت په مشرۍ د حضرت محمد صلی الله علیه وسلم د نېکمرغه میلاد اونۍ د هېواد په (٣٤) ولایتونو کې د ارشاد، حج او اوقافو د ریاستونو له لوري د علماؤ، روحانیونو، د دولتي ادارو ریسانو، کارکونکو، سپین ږیرو، مخورو، د بېلابېلو قومونو مشرانو، د ټولنې بېلابېلو قشرونو، وروڼو او خوېندو په ګډون د قرآن کریم په ختمونو سره و لمانځل شوه.
دغه مراسم د قرآن کریم په تلاوت، نعت شریف، ویناو او د سرت النبي مسابقو ګټونکو ته د جایزو په ورکولو سره ترسره شول.
همدارنګه یاد مراسم په ټول هېواد کې د سراسري سولې او امنیت په دعأ پای ته ورسېدل.
